Allt sem Biblían segir um fermingar

Vegna óviðráðanlegra orsaka verður þetta stuttur pistill, einfaldlega vegna þess að Biblían nefnir þetta skírnarform, þ,e  Ungbarnaskírn og í framhaldi Ferming, ekki einu orði, og fullyrði ég að ekki einn stafur í leiðarvísi kristinna manna, Heilagri Ritningu, gefur eða hefur gefið tilefni til þess að þessi siður yrði tekinn upp í stað Helgunar ungbarnsins og í framhaldi Niðurdýfunarskírn þess einstaklings sem ákveður sjálfur að fylgja og feta í fótspor frelsara síns.

Vil ég benda fólki sem í raun og veru vill kallast Kristið að fletta upp orðinu "skírn" eða orðinu "skírður" í Orðalykli Biblíunnar og skoða með opnum huga þá kafla Biblíunnar sem nefna þessi orð.

 

Athugasemdir

[Kristín Ketilsdóttir, 3.11.2008 kl. 11:18]

Kæri trúbróðir má ég líka benda á grein um skírnina á síðu Boðunarkirkjunnar

Guð blessi þig

[Jakob (IP-tala skráð) 3.11.2008 kl. 12:20]

Sæll Birgir.

Þetta er vissulega rétt hjá þér.

[Birgirsm, 3.11.2008 kl. 20:35]

Sæl Kristín ég er sammála hverju orði sem Boðunarkirkjan boðar varðandi þetta mál  og held ég að fólk þurfi að leggja í töluvert mikla vinnu til þess að reyna að leiðrétta ferminguna og barnaskírnina.

Takk fyrir komuna

[Birgirsm, 4.11.2008 kl. 20:21]

Sæll Jakob

Gott að við erum sammála en hvað segja þeir í Guðfræðideildinni, roðna þeir ekkert í vöngum blessaðir þegar þetta efni kemur til tals ?

[Rósa Aðalsteinsdóttir, 4.11.2008 kl. 21:04]

Sæll og blessaður

Algjörlega sammála þér.

Vertu Guði falinn

Kær kveðja/Rósa

[Birgirsm, 4.11.2008 kl. 21:29]

Takk fyrir Rósa.

Ástæðan fyrir þessum smápistli er sá að eldri peyjinn minn kom heim með miða úr skólanum í haust þar sem var verið að minnast á fermingarfræðsluna.

Kveðja

[Ragnheiður Laufdal (IP-tala skráð) 4.11.2008 kl. 21:39]

Mikið er gleðilegt að þeir sem sjá sannleikann úr Orði Guðs séu hér á blogginu!  Það er kominn tími til að hreinsa til í villukenningum kristinnar þjóðarkirkju og vissra trúardeilda hér.  Sameinumst um þetta verkefni !!  Guð blessi þig og varðveiti!

kær kveðja,

Ragnheiður Laufdal

[jonagutt (IP-tala skráð) 5.11.2008 kl. 15:11]

flottur pistill hjá þér sammála að heilög ritning segjir ekki eitt orð um ungbarnaskírnir eða fermingar þetta er siðvenja sem þjóðkirkjan hefur tekið einnhverrstaða upp annarrstaðar einhverjar mannasetningar.  Fordæmi okkar Kristur var sjálfur orðin fullorðinn þegar hann tók niðurdýfingarskírn og var það ákvörðun byggð á trú og notaði hann síðan næsta 3 og hálft árið sem hann lifði til að boða trúna hvar sem hann var í heimahúsum á torgum og hvar sem tækifæri gafst og er fordæmi okkar að segja öðrum og boða öðrum trú okkar og fagnaðarerindið gott framtak hjá þér Biggi að vekja máls á þessu kveðjur úr skagafirði

[Birgirsm, 5.11.2008 kl. 21:12]

Sæl Ragnheiður og takk fyrir innlitið

Já það veitti nú ekki af að reyna aðeins að hrista upp í hugum margra, þó ekki væri nema bara til þess að fá fólk til þess að hugsa um ákveðin mál og málefni. Guð blessi þig Ragnheiður og leiði þig í starfinu þínu.

[Birgirsm, 5.11.2008 kl. 21:32]

Halló Jóna gaman að heyra í þér.

Það er einmitt stóra málið, af hverju lætur fólk afvegaleiða sig með mannasetningum sem snúist hafa upp í vana, þegar það hefur þá bestu fyrirmynd sem hægt er að hugsa sér, fyrirmynd sem við höfum í lífi, starfi, boðskap og orðum sjálfs Frelsarans.

Kveðja til ykkar ,dúllur, heia Norge