Bolungarvíkurgöngin og Heilög Barbara ?

Ég er einn í bíl sem bilaði inni í miðjum Bolungarvíkurgöngum, ég var að koma bílnum í gang áðan inni í miðjum göngum þegar gríðarlegur jarðskjálfti reið yfir og ég sá með hryllingi göngin hreinlega leggjast saman beggja megin við mig, um 6 metra fyrir framan bílinn en ekki nema c.a 2 metra fyrir aftan. 

Ég er hræddur !

Það fossar mikið vatn úr berginu þar sem ég er innilokaður og vatnsmagnið er orðið það mikið að vatnið er farið að leka með hurðunum inn í bíl.

G.S.M síminn virkar ekki !

Ég er blautur upp að hnjám af því að ég var að leita að einhverri útgönguleið áðan.

Hræðileg hugsun hefur umvafið mig, óttinn og innilokunarkenndin hellast yfir og heltaka mig!

Þar sem ég er trúaður og viðurkenni Jesús Krist sem Drottinn minn og Frelsara, ætla ég að leggjast á bæn í bleytunni, leita hjálpar og biðja til,,,,,HEILAGRAR BARBÖRU,,,,,????????

  Þú skalt engar líkneskjur gjöra þér, engar myndir eftir því, sem er á himnum uppi, eða því, sem er á jörðu niðri, eða því, sem er í vötnunum undir jörðinni.
  Þú skalt ekki tilbiðja þær og ekki dýrka þær, því að ég, Drottinn Guð þinn, er vandlátur Guð, sem vitja misgjörða feðranna á börnunum, og í þriðja og fjórða lið, þeirra sem mig hata,
  en auðsýni miskunn þúsundum, þeirra sem elska mig og varðveita boðorð mín. 5 Mós 5:8-10

Ætli séra Agnes Sigurðardóttir sóknarprestur í Bolungarvík viti eitthvað um Boðorð númer 2 ? Kannski að einhver góður Vestfirðingurinn hnippi í hana og segi henni að Siðaskiptin hafi farið fram fyrir nokkrum árum síðan og séu yfirstaðin. 

                                                        

Athugasemdir

[Rósa Aðalsteinsdóttir, 4.12.2008 kl. 23:57]

Sæll og blessaður

Takk fyrir þetta. Ég var virkilega ósátt þegar ég horfði á þessa frétt í sjónvarpinu. Það er ekki skrítið að þjóðin hefur kallað yfir sig reiði Guðs.

Fólk ruglar öllu saman. Tími til kominn að hreinsa hveitið frá hisminu og brenna hismið.

Vertu Guði falinn.

Kær kveðja/Rósa

[Rósa Aðalsteinsdóttir, 5.12.2008 kl. 01:21]

Fréttin frá Bolungavík:

http://www.ruv.is/heim/frettir/frett/store64/item240311/

[Birgirsm, 5.12.2008 kl. 18:17]

Sæl Rósa

Það sem fer mest í mig er það að prestur þjóðkirkjunnar skuli taka það í mál að taka þátt í athöfn þar sem svona rammkaþólskur og Guði vanþóknanlegur gjörningur er viðhafður.  Það er ekki skrítið að hjarðirnar séu tvístraðar, ráðvilltar og ringlaðar þegar þeir sem eiga að gæta þeirra vita ekki í hvorn fótinn þeir eiga að stíga, þann Lútherska eða þann Kaþólska.

Það þarf að taka til og fara í andlegan stórþvott á prestastéttinni, en umfram allt þyrfti að byrja á því að fara með háþrýstitæki og sterkan TJÖRUHREINSIR í Guðfræðideild Háskóla Íslands, og moka út þar innan veggja þeim öflum sem framleiða á færibandi eitthvað annað en Guðfræðinga sem trúir eru köllun sinni.

Takk fyrir það Rósa að koma með bendinguna á fréttina.

Kveðja  

[Rósa Aðalsteinsdóttir, 5.12.2008 kl. 22:45]

Sæll og blessaður

Hjartanlega sammála þér. Óþolandi að prestar Lúterskukirkjunnar skuli taka þátt í rammkaþólskum athöfnum og einnig hafa þeir verið að breyta og breyta lögum Guðs á prestastefnum. Ég er mjög ósátt við þeirra gjörning og vil að ríkið og kirkja verði aðskilin fyrst þeir hafa hagað sér svona.

Veru Guði falinn.

Shalom/Rósa

[conwoy (IP-tala skráð) 7.12.2008 kl. 20:33]

Úff, , ég vil helst ekki trúa þessari frétt . Þetta er bara hræðilegt að skurgoðadýrkun viðgangist hér á landi . Treysti mér ekki að aka þessi göng í framtíðinni .

[Birgirsm, 7.12.2008 kl. 22:29]

Conwoy og Rósa

Ég ber virðingu fyrir þessum útlendingum sem hafa komið hingað til að vinna og trú þeirra, einfaldlega vegna þess að þeir vita ekki betur, greyin .   ,,,,,en,,,,,,

ég ber sáralitla virðingu fyrir þeim íslensku Lúthersku prestum og endalaust teygjanlegri trú þeirra, vegna þess að þeir (prestarnir sjálfir) ættu að vita munin á réttu og röngu, og ættu því ekki að taka þátt í svona löguðu

Svo finnst mér það graf alvarlegt og held ég að ég geti alveg fullyrt það að 90% af almenningi  held ég að sé alveg hjartanlega sama um eitthvað svona lagað.  

[Linda, 8.12.2008 kl. 12:59]

Þú skrifar:

ég ber sáralitla virðingu fyrir þeim íslensku Lúthersku prestum og endalaust teygjanlegri trú þeirra, vegna þess að þeir (prestarnir sjálfir) ættu að vita munin á réttu og röngu, og ættu því ekki að taka þátt í svona löguðu"

ég er svo innilega sammála þér, þetta eru afrek Guðfræðideildar HÍ, það ætti að vera alveg sér menntun fyrir presta Guðfræðideildin er óguðleg punktur.

Linda.

[Birgirsm, 8.12.2008 kl. 20:22]

Sæl Linda 

Eftir að hafa kynnt mér viðhorf og skoðanir bæði nemenda, útskrifaðra og nýbakaðra presta, þá finnst mér Guðfræðideild H,Í  viljug að dreifa og sá efasemdum og vantrú.

Takk fyrir komuna