STJÓRNARSKRÁ ? nei takk

Hvað myndi gerast á Íslandi ef fólk teldi það óþarfa að fara eftir landslögum ?  .....það yrði öngþveiti sem enda myndi með þvílíkum ósköpum !

Hvað myndi gerast á vegum og götum þessa lands ef fólk fengi þá sannfæringu að allar umferðar-reglur væru orðnar óþarfar, og hver og einn gæti keyrt eins og honum sýndist ? .....þeim myndi eflaust fjölga útfararstofunum og spítölunum !

Hvað gerist í hinum kristna heimi þegar fólk telur sig vera undan-þegið hinum einföldu og eilífu lögum Guðs, Boðorðunum 10 ?..... Við höfum dæmin af þeirri ringulreið og því öngþveiti sem það hefur þegar skapað, allt í kringum okkur.   Safnaðarleiðtogar, prestar og einstaklingar sem kenna sig við Jesú Krist tala út og suður og lítilsvirða þá einföldu og Guðlegu lagasetningu sem Guð gaf fólki sínu í Boðorðunum 10.

Þegar menn traðka svona niður í svaðið og afneita lögum Guðs sökum vana og / eða villukenninga sem því miður oft á tíðum ganga í erfðir, eru menn óafvitandi að hafna valdi löggjafans, en það sem alvarlegast er, er að þar sem lögum Guðs er hafnað  hættir syndin að líta út sem synd og verður ósjálfrátt sjálfsagður hluti af hinu daglega lífi ! 

Stundum segja menn eitthvað á þá leið að "Fyllibytturnar komi óorði á brennivínið" nákvæmlega það sama má segja um marga ""KRISTNA"" söfnuði, presta, leiðtoga og einstaklinga sem með sjálfskipaðri frjálshyggju sinni koma  "óorði á kristna trú og skýran boðskap Biblíunnar"

Sorglega margir fá svo mikið traust á safnaðarleiðtogum sínum að þeir sleppa því að lesa sjálfir og kynna sér þar af leiðandi ekki eilífðar-málin upp á eigin spýtur og festast þannig í snöru sem ekki er auðhlaupið úr, snöru sem búin er til úr fáfræði og mannasetningum.

Menn verða að gera sér það ljóst að á degi dómsins verða það ekki villuráfandi og afvegaleiðandi prestar þeirra sem fá dóm þeirra, heldur þeir sjálfir !

Ef einstaklingar líta á Biblíuna sem hina einu undirstöðu Kristinnar trúar ættu þeir að geta "með forvitnina og auðmýktina" að vopni vísað burtu frá sér allskonar villukenningum sem ríkjandi eru í dag, og þar á meðal þeirri villukenningu um það að BOÐORÐIN 10 séu ekki lengur í gildi.

Jörðin viknar og kiknar, heimur bliknar og kiknar, tignarmenni lýðsins á jörðu blikna.
 Jörðin vanhelgast undir fótum þeirra, er á henni búa, því að þeir hafa brotið lögin, brjálað    boðorðunum og rofið sáttmálann eilífa.     Jesaja 24: 4-5

Og á því vitum vér, að vér þekkjum hann, ef vér höldum boðorð hans.
 Sá sem segir: Ég þekki hann, og heldur ekki boðorð hans, er lygari og sannleikurinn er ekki í  honum.   1.Jóh 2:3-4

 EF FÓLK SKILDI NÚ EKKI VITA AF ÞVÍ, ÞÁ ER FYRRA VERSIÐ ÚR GAMLA-TESTAMENTINU, EN ÞAÐ SÍÐARA ÚR NÝJA-TESTAMENTINU, SKRIFAРTÖLUVERT EFTIR KROSSDAUÐA KRISTS.

 

Eru Múslimar bræður mínir ?

                                                              

Mikil umræða var í þjóðfélaginu á liðnu ári vegna flóttakvenna frá Palestínu sem komu til landsins og settust hér að og langar mig af því tilefni að skoða hvað Ritningin hefur að segja um það hvernig framkoma okkar kristinna ætti að vera gagnvart náungum okkar, gagnvart fólki sem minna má sín í samfélagi þjóðanna. Eftirfarandi vers eru sterk og fer ekki á milli mála að náungakærleikurinn er í fyrsta og efsta sæti versanna.

 Ef sá, sem hefur heimsins gæði, horfir á bróður sinn vera  þurfandi og lýkur aftur hjarta sínu fyrir honum, hvernig getur kærleikur til Guðs verið stöðugur í honum?   Börnin mín, elskum ekki með tómum orðum, heldur í verki og sannleika.  1.Jóh 3:17-18

   Því hungraður var ég, og þér gáfuð mér að eta, þyrstur var ég, og þér gáfuð mér að drekka, gestur var ég, og þér hýstuð mig,  nakinn og þér klædduð mig, sjúkur og þér vitjuðuð mín, í fangelsi var ég, og þér komuð til mín.   Matt 25:35-36

   Ef bróðir eða systir eru nakin og vantar daglegt viðurværi og einhver yðar segði við þau: Farið í friði, vermið yður og mettið!  en þér gefið þeim ekki það, sem líkaminn þarfnast,  hvað stoðar það?   Eins er líka trúin dauð í sjálfri sér,  vanti hana verkin.    Jak 2:15-17

  Hrein og flekklaus guðrækni fyrir Guði og föður er þetta, að vitja munaðarlausra og ekkna í þrengingu þeirra og varðveita sjálfan sig óflekkaðan af heiminum.   Jak 1:27

Hvað á ég "Íslendingurinn" að vera stöndugur, og hvað á ég "Íslendingurinn" að eignast mikið sjálfur áður en ég get farið að gefa af mér til náunga míns sem líður skort í einhverri mynd ?

Er það einhverstaðar nefnt og það sett sem skilyrði í Biblíuversunum hér fyrir ofan að bróðir minn og systir verði að vera samlandar mínir ? 

Í sögu Krists um "Miskunnsama Samverjann" er athyglisvert að það var útlendingurinn (Samverjinn)  sem var í því hlutverki að líkna, hjálpa og hjúkra,  Lúkas 10 kafli.

Kemur til mála að einhverjir Íslendingar hafi stigið á umburðarlyndis og meðaumkunar-bremsuna þegar umræðan var komin á það stig að þessar ólánsömu konur væru múslimar, við þá samlanda mína vil ég segja að það er hlutverk okkar og prestanna okkar að sjá til þess að fólk úr öðrum menningarheimum sem hingað kemur og sest hér að aðlagist okkar siðum, okkar siðvenjum og okkar trú.

Af hverju þarf útlendingurinn sem hingað kemur að taka upp okkar trú ? spyr einhver,,,

Eigum við að hætta á það að lenda í sömu snörunni og mörg nágrannalönd okkar t,d Danir og Bretar?  Hvaða líkn og hvaða hjálp er í því að skapa það eldfima samfélag sem hefur myndast t,d í Svíþjóð.

Óska ég þessum Palestínsku konum og börnum þeirra Gleðilegs árs og friðar og vona ég að þær finni og feti með Guðs hjálp hinn mjóa og rétta veg.  

Rugl hinnar Íslensku Þjóðkirkju !!!!!

 Íslenska Þjóðkirkjan er nokkuð langt frá því takmarki að standa sig í stykkinu gagnvart meðlimum sínum hvað varðar heilbrigða kennslu og uppfræðslu á  "ORÐINU",  þá á ég við þann boðskap sem henni hefur verið treyst fyrir að koma til þjóðarinnar. 

Á vef Þjóðkirkjunnar, Trú.is, les ég eftirfarandi svokallaða "jákvæðari" túlkun á Boðorðunum 10 sem þjóðkirkjuprestur einn Ágúst Einarsson að nafni hefur látið frá sér fara. Ekki er áhuginn meiri hjá honum blessuðum á "Lögum Guðs" en svo að hann kemur með ramm-kaþólska uppsetningu á Boðorðunum, og breytir síðan aftur kaþólskbreyttum Boðorðunum eftir sínu höfði.

Er skrítið að leitandi þjóðkirkjufólk verði ringlað, Biblían segir eitt, þjóðkirkjuprestarnir segja annað ?

Boðorðin 10 og Boðorðin 10 í jákvæðri túlkun

1. Ég er Drottinn, Guð þinn, þú skal ekki aðra guði hafa
1. Gerðu upp við hjáguðina og lifðu fyrir og í kærleika Guðs.

2. Þú skalt ekki leggja nafn Drottins Guðs þíns við hégóma.
2. Notaðu fúslega nafn Guðs og biddu um styrk hans – en til góðra verka.

3. Halda skaltu hvíldardaginn heilagan.
3. Unntu þér reglulegrar hvíldar og tíma til andlegrar íhugunar.

4. Heiðra skaltu föður þinn og móður.
4. Auðsýndu foreldrum þínum virðingu og kærleika. Láttu börnin þín njóta þess sama.

5. Þú skalt ekki mann deyða.
5. Verndaðu lífið og hlúðu að því í öllum myndum.

6. Þú skalt ekki drýgja hór.
6. Vertu maka þínum trú/r.

7. Þú skalt ekki stela.
7. Berðu virðingu fyrir eigum og réttindum annarra.

8. Þú skalt ekki bera ljúgvitni gegn náunga þínum.
8. Vertu áreiðanleg/ur í hugsunum, orðum og verkum. Efndu loforð þín og baktalaðu engan.

9. Þú skalt ekki girnast hús náunga þíns.
9. Berstu gegn öfund og löngun til að eignast alla hluti.

10. Þú skalt ekki girnast konu náunga þíns, þjón, þernu, fénað né nokkuð það sem náungi þinn á.
10. Samfagnaðu meðbróður þínum þegar honum vegnar vel í lífinu.

Hversu vel kemst hann frá því að gefa "Jákvæðari túlkun" á Boðorðin 10 ?

Hvernig er hægt að kalla það jákvætt sem afskræmir orð Guðs ?

Hvers vegna hefur presturinn ekki Biblíuna til hliðsjónar þegar hann skrifar sína jákvæðu túlkun ? 

Af hverju sniðgengur presturinn alveg Boðorð Biblíunnar no 2 sem bannar Skurðgoðadýrkun ?

Er ekki hæpið að koma með tvær mismunandi "Jákvæðar túlkanir" á Boðorði Biblíunnar no 10 sem fjallar um girndina, en misvitrir menn hafa skipt því Boðorði í tvennt, þ,e.  í no. 9 og 10 til þess að Boðorðin 10 haldi nú tölu sinni ?

Ætli presturinn hafi einhvern tímann lesið sjálfur og í einrúmi Boðorðin 10 eins og þau koma fyrir á blöðum Ritningarinnar í 2 Mósebók  og í 5 Mósebók ?

Mér finnst ég knúinn til þess að benda þessum presti á örfá vers úr bókum Biblíunnar sem sýna mikilvægi þess, fyrir hinn Kristna einstakling, að hafa í hávegum þessar reglur Guðs.

Vér höfum syndgað, vér höfum farið villir vegar, vér höfum breytt illa, verið mótþróafullir og vikið frá boðorðum þínum og fyrirmælum.  Daniel 9:5

Jesús sagði við hann: Hví spyr þú mig um hið góða? Einn er sá hinn góði. Ef þú vilt inn ganga til lífsins, þá haltu boðorðin.  Matt 19:17

Enn sagði Jesús við þá: „Listavel gerið þið að engu boðorð Guðs svo þið getið rækt erfikenning ykkar.  Mark 7:9

Ef þér elskið mig, munuð þér halda boðorð mín.  Jóh 14:15

Sá sem hefur boðorð mín og heldur þau, hann er sá sem elskar mig. En sá sem elskar mig, mun elskaður verða af föður mínum, og ég mun elska hann og birta honum sjálfan mig.  Jóh 14:21

Sá sem segir: Ég þekki hann, og heldur ekki boðorð hans, er lygari og sannleikurinn er ekki í honum.  1.Jóh 2:4

,,,"ER LYGARI",,, það var ekkert verið að fara í kringum hlutina í þessu síðasta versi!

Fer mikilvægi Boðorðanna eitthvað á milli mála ?

Væri ekki betra HR. PRESTUR og KÆRA ÞJÓÐKIRKJA að fara rétt með orð Heilagrar Ritningar ? 

 

Bolungarvíkurgöngin og Heilög Barbara ?

Ég er einn í bíl sem bilaði inni í miðjum Bolungarvíkurgöngum, ég var að koma bílnum í gang áðan inni í miðjum göngum þegar gríðarlegur jarðskjálfti reið yfir og ég sá með hryllingi göngin hreinlega leggjast saman beggja megin við mig, um 6 metra fyrir framan bílinn en ekki nema c.a 2 metra fyrir aftan. 

Ég er hræddur !

Það fossar mikið vatn úr berginu þar sem ég er innilokaður og vatnsmagnið er orðið það mikið að vatnið er farið að leka með hurðunum inn í bíl.

G.S.M síminn virkar ekki !

Ég er blautur upp að hnjám af því að ég var að leita að einhverri útgönguleið áðan.

Hræðileg hugsun hefur umvafið mig, óttinn og innilokunarkenndin hellast yfir og heltaka mig!

Þar sem ég er trúaður og viðurkenni Jesús Krist sem Drottinn minn og Frelsara, ætla ég að leggjast á bæn í bleytunni, leita hjálpar og biðja til,,,,,HEILAGRAR BARBÖRU,,,,,????????

  Þú skalt engar líkneskjur gjöra þér, engar myndir eftir því, sem er á himnum uppi, eða því, sem er á jörðu niðri, eða því, sem er í vötnunum undir jörðinni.
  Þú skalt ekki tilbiðja þær og ekki dýrka þær, því að ég, Drottinn Guð þinn, er vandlátur Guð, sem vitja misgjörða feðranna á börnunum, og í þriðja og fjórða lið, þeirra sem mig hata,
  en auðsýni miskunn þúsundum, þeirra sem elska mig og varðveita boðorð mín. 5 Mós 5:8-10

Ætli séra Agnes Sigurðardóttir sóknarprestur í Bolungarvík viti eitthvað um Boðorð númer 2 ? Kannski að einhver góður Vestfirðingurinn hnippi í hana og segi henni að Siðaskiptin hafi farið fram fyrir nokkrum árum síðan og séu yfirstaðin. 

                                                        

Róninn og Ljósastaurinn við tjörnina

  Hvers vegna lætur fólk sig oft á tíðum berast hingað og þangað eftir alskonar trúarstefnum og tískuduttlungum af óvönduðum kennimönnum og prestum sem leyfa sér blákalt að velja og hafna að eigin vild orðum, versum, köflum, bókum og jafnvel Biblíunni í heild sinni en segja svo á sama tíma "Hér er Kristur",bæta svo við sína afneitun á kristninni og segja að hin Heilaga Ritning sé barn síns tíma, og að kristin trú eigi að dansa með og fylgja tíðarandanum hverju sinni. 

Í hvert skipti sem ég heyri í, eða heyri minnst á sóknarprestinn sem þjónar Fríkirkjusöfnuðinum við Tjörnina verður mér hugsað til sögunnar um rónann sem stóð útúrdrukkinn úti á plani, illa á sig kominn og hallaði sér upp að og hélt dauðahaldi í ljósastaur.  Hann nýtti sér staurinn sem slíkan, en birtan frá staurnum skipti þennan ólánsama drykkjumann ekki nokkru máli. 

Sama má segja um þennan umtalaða frjálshyggjusama fríkirkjuprest.   Hann hallar sér upp að Bókarkápu Biblíunnar en gerir ósköp lítið við þá andlegu birtu sem innihald bókarinnar bíður uppá og svo hlakkar í honum þegar hann segir frá því, og það í prédikun, að það væru góðar fréttir fyrir kristni í landinu að þúsundir manna hefðu skráð sig úr þjóðkirkjunni á síðustu árum.

Þessum "presti" stendur nákvæmlega á sama um þau boð, leiðbeiningar og bönn sem Biblían gefur því fólki sem kallast vill Kristið.  Og hvað gerist ?  Söfnuðurinn fylgir sínum presti og lætur sér fátt um finnast !

.....Af hverju ?..... Jú af því að fólk kynnir sér ekki og les ekki Biblíuna sjálft.....  hlustum á prestana  með opin eyru og tökum mark á því sem okkur er boðað, en einungis og eingöngu ef þeir tala samkvæmt  BÓK BÓKANNA.    

Fagnar úrsögn úr þjóðkirkjunni

Samtökin ´78 í grunnskólana.

Fór á athyglisverðan foreldrafund í vikunni , partur af fundarboðinu hljóðaði eftirfarandi :

Á fundinum munu fulltrúar Samtakanna 78 veita fræðslu og svara fyrirspurnum. Markmiðið er að fræða foreldra um samkynhneigð, réttindi samkynhneigðra o.s.frv. Einnig verður foreldrum kynnt hvernig staðið verður að fræðslu til nemenda í efstu bekkjum grunnskóla

Þar sem ég á börn á grunnskólaaldri fannst mér ég skyldugur til að kynna mér málið og fór á fundinn, bjóst ég við fjölmennum fundi en einungis örfáar manneskjur mættu eða innan við 10 manns.  Athyglisvert er það áhugaleysi sem foreldrar sýna fundi sem þessum en á því svæði sem þeir skólar þjóna sem að fundinum stóðu eru á annað þúsund nemendur.

Á fundinum tók til máls á vegum samtakanna´78 kvenmaður sem kynnti sig sem gagnkynhneigða og skildist mér á henni að hún væri prestlærð. Lýsti hún dásamlegri reynslu sinni af því að eiga tvíkynhneigðan son.

Rakti hún lauslega yndislega sögu sonar síns og sagði hún frá því að allt frá æsku hefði hann verið svona öðruvísi, svo kom að því í frásögn hennar þegar hún segir við barnið : ÞEGAR ÞÚ VERÐUR ELDRI OG KEMUR HEIM MEÐ KÆRUSTUNA,,, EÐA KÆRASTANN,,,.

Það var á þessu augnabliki sem ég fékk staðfestan þann grun minn um hvers vegna Samtökin´78 eru farin að sækja í skóla landsins.

Hvers vegna ? Jú til þess að koma því inn í huga barnanna að samkynhneigð og tvíkynhneigð sé af hinu góða, jákvæð, yndisleg og óskaplega eðlileg.

  

Þakkir til Gídeonfélagsins

 

10 ára guttinn minn sem byrjaði í 5.bekk í haust kom heldur hróðugur heim úr skólanum núna í vikunni með Nýja Testamentið sem menn frá Gídeonfélaginu gáfu honum og öllum hans árgangi. Fyrir hönd stráksins vil ég þakka Gídeonfélaginu á Íslandi kærlega fyrir þessa gjöf.  

  Hversu fagurt er fótatak þeirra, sem færa fagnaðarboðin góðu. Róm 10:14-15.

Nefna vil ég að Gídeonfélagið stendur jafnframt fyrir því að bera út og dreifa endurgjaldslaust Nýja Testamentinu á öll hótelherbergi, sjúkrahús, dvalarheimili aldraðra, fangelsi og víðar.

Í formála bókarinnar stendur eftirfarandi:

Kenning hennar er heilög, boðorð hennar bindandi, frásagnir hennar sannar og úrskurður hennar óbreytanlegur. Lestu hana svo þú verðir vitur, trúðu henni þér til sáluhjálpar og breyttu eftir orðum hennar þér til helgunar. Hún er ljós sem lýsir, andleg næring, sannur gleðigjafi og hughreysting.

BIBLÍAN er:

• Vegakort ferðamannsins
• Stafur pílagrímsins
• Áttaviti leiðsögumannsins
• Sverð hermannsinns
• Frelsisskrá kristins manns

Takk aftur þið einstaklingar sem standið á bak við Gídeonfélagið.

Guð blessi ykkur í ykkar óeigingjarna boðunarstarfi 

Allt sem Biblían segir um fermingar

Vegna óviðráðanlegra orsaka verður þetta stuttur pistill, einfaldlega vegna þess að Biblían nefnir þetta skírnarform, þ,e  Ungbarnaskírn og í framhaldi Ferming, ekki einu orði, og fullyrði ég að ekki einn stafur í leiðarvísi kristinna manna, Heilagri Ritningu, gefur eða hefur gefið tilefni til þess að þessi siður yrði tekinn upp í stað Helgunar ungbarnsins og í framhaldi Niðurdýfunarskírn þess einstaklings sem ákveður sjálfur að fylgja og feta í fótspor frelsara síns.

Vil ég benda fólki sem í raun og veru vill kallast Kristið að fletta upp orðinu "skírn" eða orðinu "skírður" í Orðalykli Biblíunnar og skoða með opnum huga þá kafla Biblíunnar sem nefna þessi orð.

 

"Sola Scriptura" vandamálahugtak!

Hvernig líta menn á hugtakið "Sola Scriptura" ?

Fyrir þá sem ekki vita hvað um ræðir, leit þetta hugtak dagsins ljós með siðbótinni.

"Sola Scriptura" hugtakið gengur út á það, að menn standi staðfastir og hafi eingöngu orð, kenningar og vitnisburð Biblíunnar að leiðarljósi, og að Biblían sé eina undirstaða kristinnar trúar og kristilegra kenninga.

Hún gengur út á það að Orð Guðs, Biblían, sé ofar öllum mannasetningum.

Dæmi um það að leiðtogar og kirkjuyfirvöld gefi ráðleggingar og skipanir andstæðar Guðsorði eru ófá, svo ekki sé minnst á frumskóg allslags og óteljandi heimspekilegra kenninga, sem allskonar lýður sem kennir sig við Krist, ásamt fyrrnefndum kirkjuleiðtogum, kemur með, fram fyrir venjulegt fólk, kenningar sem ganga þvert á einföld og skýr boð og fyrirmæli Guðs til okkar í Biblíunni.

"SOLA SCRIPTURA PROBLEM" Getur það verið að einhverjum finnist það vera vandamál að líta á Biblíuna sem hinn eina rétta leiðarvísi og hið eina rétta landakort af þeim þrönga vegi, sem Guð bíður okkur að ganga ?

Getur verið að sá sem virðir þetta hugtak einskis, sætti sig við það að mannasetningar séu jafnar, eða jafnvel ofar Guðsorði ?

Kemur til mála að mörg trúarveldin, myndi hrynja til grunna, ef fólk um allan heim opnaði augu sín og myndi gera sér grein fyrir innihaldi hugtaksins "SOLA SCRIPTURA"

Ég tók eitt vers sem allir þekkja úr Bók Bókanna og breytti því af eigin geðþótta, eins og ég sé fyrir mér að fólk vilji hafa versið,,,, það fólk sem lítur á Sola scriptura sem "VANDAMÁL",,,,, 

Eitt og eitt vers og einstaka ritning er innblásin af Guði og nytsöm til fræðslu, til umvöndunar, til leiðréttingar, til menntunar í réttlæti, en einungis þegar hentar.

 ATH þetta stendur ekki í 2Tím 3:16.

ÁTT ÞÚ NOKKUÐ Í VANDRÆÐUM MEÐ ÞETTA HUGTAK ?

 

 

Ísraelsdýrkun

"Ég finn það betur og betur með hverjum degi, hversu erfitt er að segja skilið við skoðanir sem mér voru innrættar á yngri árum"   Eitthvað á þessa leið voru orð Martins Lúthers á þeim tíma þegar hann var að segja skilið við Kaþólsku Kirkjuna.   Þarna átti Lúther í stríði við sjálfan sig , sálarstríði , þar sem tókust á í honum innrættur vaninn annars vegar, og orð Biblíunnar hins vegar.

Djúpt í hugarfylgsnum margra kristinna einstaklinga leyfi ég mér að fullyrða að svipað sálarstríð fer í gang annað slagið, líkt og hjá Lúther á sínum tíma.  Fólk hefur tamið sér ákveðnar skoðanir og ákveðnar trúarhugmyndir og á afskaplega erfitt með að bakka út úr þeim einstefnugötum sem trúarlíf þeirra hefur tekið, þrátt fyrir  það, að það sjái með eigin augum afgerandi yfirlýsingar hinnar helgu bókar um annað.

Taka vil ég Ísraelsdýrkunina sem dæmi, KRISTIÐ fólk lendir í ástarsambandi við Ísrael nútímans, svo liggur við dýrkun, dýrkun á þjóð sem viðurkennir ekki með nokkru móti KRIST.

Ætlað gæti maður að flest af þessu fólki sem ég er að tala um, héldi sinn (SABBATH) hvíldardag á Laugardögum, sem er hinn eini rétti hvíldardagur samkvæmt Biblíunni, eins og Gyðingarnir gera, en það er öðru nær Sunnudagurinn er þeirra dagur, hvað sem Biblían segir.

Ætlað gæti maður að flest af þessu fólki, færu eftir nauðsynlegum ráðleggingum Biblíunnar varðandi matarræði, eins og Gyðingarnir gera, og hvað hollt sé mannslíkamanum að setja ofaní sig, en það er ekki svo, flest af þessu fólki étur allt sem tönn á festir, svo sem svínakjöt, skeldýr, hrossakjöt, ómælt magn af mör, og blóði og svo framvegis.

Ætlað gæti maður að Boðorðin 10, eilíf Boðorð Guðs til okkar mannanna, skipuðu sérstakan sess hjá þessu fólki, sama sess og Boðorðin skipa hjá Gyðingum.  Nei það er öðru nær, þessu fólki er nokkuð sama um Boðorðin, hvort þau séu 9 eða 10, og hvort þau séu kennd sundurslitin og rangt uppsett, eða hreinlega sleppt algjörlega, það skiptir þetta fólk engu einasta máli.

Mér líkar ekki við svona hringlandahátt, og mér líkar jafn illa við svona eiginhagsmuna-Guðfræði og mér líkar vel við Gyðingdóminn sem slíkan, en því miður er Gyðingdómurinn eins og Gullhringur án gullsins.

Við eigum ekki að láta aðdáun okkar verða það mikla á Ísrael nútímans, að hún skyggi okkur sýn á það eina sem máli skiptir 

Vér eigum heldur að ástunda sannleikann í kærleika og vaxa í öllu upp til hans, sem er höfuðið - KRISTUR.  Efesus 4:15.