Ísrael, þekkti ekki sinn vitjunartíma

Af þeim 5,4 milljónum Gyðinga sem byggja Ísrael í dag, eru einungis um það bil 15.000 sálir sem kosið hafa Krist sem frelsara sinn. 

 Vitandi þessar tölur, get ég þá leyft mér að draga þá ályktun að Ísraelsþjóðin sé ,,útvalin þjóð guðs,, enn þann dag í dag ?. Ef þessar mannfjöldatölur eru réttar er skynsamlegt af mér að halda því statt og stöðugt fram að þessi þjóð sé ennþá í því hlutverki sem Guð ætlaði henni, þegar aðeins eru um 0,28 % þjóðarinar viðurkennir Krist.

  Ég dáist að og met þessi 0,28 % þjóðarinnar mikills, en ég get þó ekki með góðu móti sagt að ég meti hin 99 % meira eða minna heldur en aðrar þjóðir,  og þó,  þeir eiga þá albestu hermenn sem heimurinn hefur uppá að bjóða, en er það komið af góðu.  

Er hægt að segja að þetta ríki sé undir vernd og blessun Guðs, sem frá stofnun 1948 hefur með kjafti, klóm og dyggri aðstoð Bandaríkjanna þurft að verja tilverurétt sinn gangnvart nágrönnum sínum dag og nótt.

Ég skrifa ekki svona færslu nema hafa Bók Bókana fyrir framan mig og enda þessa færslu á að benda á orð Jesú Krists sjálfs, þegar hann segir skýrum orðum að hlutverk Ísraels verði gefið öðrum í hendur. Lesið dæmisöguna um vondu vínyrkjana Matt 21:33-46.

Vondir vínyrkjar

³³Enn sagði Jesús: „Heyrið aðra dæmisögu: Landeigandi nokkur plantaði víngarð. Hann hlóð garð um hann, gróf fyrir vínþröng og reisti turn, seldi hann síðan vínyrkjum á leigu og fór úr landi. ³⁴Þegar ávaxtatíminn nálgaðist sendi hann þjóna sína til vínyrkjanna að fá ávöxt sinn. ³⁵En vínyrkjarnir tóku þjóna hans, börðu einn, drápu annan og grýttu hinn þriðja. ³⁶Aftur sendi hann aðra þjóna, fleiri en þá fyrri, og eins fóru þeir með þá. ³⁷Síðast sendi hann til þeirra son sinn og sagði: Þeir munu virða son minn. ³⁸Þegar vínyrkjarnir sáu soninn sögðu þeir sín á milli: Þetta er erfinginn. Förum og drepum hann og náum arfi hans. ³⁹Og þeir tóku hann, köstuðu honum út fyrir víngarðinn og drápu hann.
⁴⁰Hvað mun nú eigandi víngarðsins gera við vínyrkja þessa þegar hann kemur?“
⁴¹Þeir svara: „Hann mun vægðarlaust tortíma þeim vondu mönnum og selja víngarðinn öðrum vínyrkjum á leigu sem gjalda honum ávöxtinn á réttum tíma.“
⁴²Og Jesús segir við þá: „Hafið þið aldrei lesið í ritningunum:
Steinninn sem smiðirnir höfnuðu
er orðinn að hyrningarsteini.
Þetta er verk Drottins
og undursamlegt í augum vorum.
⁴³Þess vegna segi ég ykkur: Guðs ríki verður tekið frá ykkur og gefið þeirri þjóð sem ber ávexti þess. [ ⁴⁴Sá sem fellur á þennan stein mun sundur molast og þann sem hann fellur á mun hann sundur merja.]“^[2]

⁴⁵Þegar æðstu prestarnir og farísearnir heyrðu dæmisögur Jesú skildu þeir að hann átti við þá. ⁴⁶Þeir vildu taka hann höndum en óttuðust fólkið þar eð menn töldu hann vera spámann.

 Hvað er Kristur að segja þarna, annað en að láta það berlega í ljós að hlutverki Ísraels sem ,,Útvalinni þjóð Guðs,, sé lokið.

 Getur verið að Kristnir einstaklingar séu farnir að dá og dýrka verkfærið, sem þó brást, og varpa þannig skugga á sjálfann Smiðinn, sem þeir þó treysta á og binda allar sínar vonir við.

Megi algóður Guð blessa löndin fyrir botni Miðjarðarhafs og gefa þeim frið.

 

Athugasemdir

[Jón Valur Jensson, 6.8.2008 kl. 01:59]

Þetta er samt ekki síðasta orð Guðs um Ísraelsþjóðina, Birgir.

Svo eru meinlegar villur hér. Það voru ekki Bandaríkjamenn, sem studdu Ísrael mest frá 1948, fyrsta áratuginn, heldur m.a. Sovétmenn. Þó ber fyrst og fremst að líta á, hve illa vopnum búnir Gyðingarnir í Landinu helga voru á þeim tíma. Að sjá ekki hönd Guðs að verki í Ísrael 20. aldar, gegn ofurefli fjölmennra þjóða, held ég útheimti þó nokkrar gloppur á einu mikilvægu sjónsviði augna hins trúaða.

Með góðum óskum, 

[Birgirsm, 7.8.2008 kl. 21:13]

Sæll Jón

Fyrsta eða síðasta orð Guðs um Ísraelsþjóðina.  Skiftir það nokkru máli?  Við vitum báðir að Guð er sá sami í dag og hann var í gær.

Varðandi þessa meinlegu villu sem þú talar um, þá hefði ég kannski getað orðað þetta örlítið öðruvísi, en ég veit að frá stofnun ríkisins hafa Ísraelsmenn aldrei átt dyggari stuðningsmenn heldur en Bandaríkjamenn, einfaldlega vegna fjölda Gyðinga og Gyðingsættaðra Bandaríkjamanna. Ég nefndi reyndar ekkert sérstaklega fyrsta áratuginn.  Ég sagði frá upphafi.

Þú segir eftirfarandi:

  Að sjá ekki hönd Guðs að verki í Ísrael 20. aldar, gegn ofurefli fjölmennra þjóða, held ég útheimti þó nokkrar gloppur á einu mikilvægu sjónsviði augna hins trúaða.

Ekki vil ég kalla það "gloppur" í sjónsviði að skoða orð Frelsarans, og hvorki get ég, né vil, álykta sem svo að hönd Guðs sé að verki í öllum þeim ríkjum heimsins sem gera það "gott" og standa sig "vel", hernaðarlega séð.

Kveðja 

[Jón Valur Jensson, 8.8.2008 kl. 02:21]

Já, það skiptir máli, kæri Birgir. Lestu aftur Rómverjabréfið um þessi mál.

"Frá upphafi" Ísraelsríkis þýðir frá 1948, en Bandaríkin studdu Ísrael minna en Sovétríkin á þeim tíma, og 1956 beittu Bandaríkin sér gegn Ísraelum í Súezstríðinu.

En við erum sammála um, að kirkjan (með sína 12 postula í upphafi, sem e.k. framhald hinna 12 kynkvísla Ísraels) er framhald Ísraelslýðs. Gyðinga nú á dögum – og alltaf – hygg ég samt eiga ævarandi stað í ráðsályktun og umhyggju Guðs, en tel, að það tengist líka kirkjunni, fyrirbænum fyrir þeim í kristinni kirkju og vitaskuld hinum eina sanna meðalgangara manns og Guðs: drottni Jesú Kristi.

[Birgirsm, 9.8.2008 kl. 10:56]

Þá erum við sammála því Jón, að  "allir" af öllum þjóðum sem viðurkenna Krist sem frelsara sinn og fara að boðum hans eru þegnar í ,, framhaldi Ísraelslýðs ,,eins og þú segir.

þ.e  fá þegnrétt í hinum andlega Ísrael,  sem tók við því leiðtogahlutverki sem Guð ætlaði Gyðingaþjóðinni.

Í Rómverjabréfinu stendur eftirfarandi:

9 kafli 1-8 vers ¹Ég tala sannleika í Kristi, ég lýg ekki. Samviska mín vitnar það með mér, upplýst af heilögum anda, ²að ég hef hryggð mikla og sífellda kvöl í hjarta mínu. ³Ég gæti óskað, að mér væri sjálfum útskúfað frá Kristi, ef það yrði til heilla fyrir bræður mína og ættmenn, ⁴Ísraelsmenn. Þeir fengu sonarréttinn, dýrðina, sáttmálana, löggjöfina, helgihaldið og fyrirheitin. ⁵Þeim tilheyra og feðurnir, og af þeim er Kristur kominn sem maður, hann sem er yfir öllu, Guð, blessaður um aldir. Amen.

⁶Það er ekki svo sem Guðs orð hafi brugðist. Því að ekki eru allir þeir Ísraelsmenn, sem af Ísrael eru komnir. ⁷Ekki eru heldur allir börn Abrahams, þótt þeir séu niðjar hans, heldur: "Afkomendur Ísaks munu taldir verða niðjar þínir." ⁸Það merkir: Ekki eru líkamlegir afkomendur hans Guðs börn, heldur teljast fyrirheitsbörnin sannir niðjar.

9 kafli 24-33.  ²⁴Slík ker erum vér, sem hann hefur kallað, ekki aðeins úr flokki Gyðinga, heldur og úr flokki heiðingja. ²⁵Eins og hann líka segir hjá Hósea:

Lýð, sem ekki var minn, mun ég kalla minn,

og þá elskaða, sem ekki var elskuð,

²⁶ og á þeim stað, þar sem við þá var sagt:

þér eruð ekki minn lýður,

þar munu þeir verða kallaðir synir Guðs lifanda.

²⁷En Jesaja hrópar yfir Ísrael: "Þótt tala Ísraels sona væri eins og sandur sjávarins, þá skulu leifar einar frelsaðar verða. ²⁸Drottinn mun gjöra upp reikning sinn á jörðunni, binda enda á hann og ljúka við hann í skyndi," ²⁹og eins hefur Jesaja sagt: "Ef Drottinn hersveitanna hefði ekki látið oss eftir niðja, værum vér orðnir eins og Sódóma, vér værum líkir Gómorru."

³⁰Hvað eigum vér þá að segja? Heiðingjarnir, sem ekki sóttust eftir réttlæti, hafa öðlast réttlæti, - réttlæti, sem er af trú. ³¹En Ísrael, sem vildi halda lögmál er veitt gæti réttlæti, náði því ekki. ³²Hvers vegna? Af því að þeir ætluðu sér að réttlætast með verkum, ekki af trú. Þeir hnutu um ásteytingarsteininn, ³³eins og ritað er:

Sjá ég set í Síon ásteytingarstein

og hrösunarhellu.

Sérhver, sem á hann trúir,

mun ekki verða til skammar.

 Í Róm 10:9 er eitt fallegasta vers Biblíunnar, vers sem gefur hverjum og einum Kristnum einstaklingi  "VON"

⁹Ef þú játar með munni þínum: Jesús er Drottinn - og trúir í hjarta þínu, að Guð hafi uppvakið hann frá dauðum, muntu hólpinn verða.

Því miður er lítil von til þess að Gyðingar játi það að Jesús sé Drottinn, og hvernig er þá hægt að segja að Gyðingar séu ,,ÚTVALIN ÞJÓÐ GUÐS ,, enn þann dag í dag.

[Birgirsm, 9.8.2008 kl. 11:14]

^{Mér gengur illa að prenta ritningatexta úr 1981 útgáfunni, án þess að þeir klessist, svo ég sótti til prufu einn texta um sama mál úr Róm 11: 13-15} 

¹³En við ykkur, heiðingjar, segi ég: Nú er ég einmitt postuli heiðingja og þá þjónustu vegsama ég. ¹⁴Vera mætti að ég gæti vakið afbrýði hjá ættmennum mínum og frelsað einhverja þeirra. ¹⁵Fyrst það varð sáttargjörð fyrir heiminn að þeim var hafnað, hvað verður þá upptaka þeirra annað en líf af dauðum?

[Rósa Aðalsteinsdóttir, 9.8.2008 kl. 12:24]

Sæll Birgir minn.

Sennilega þarftu að taka tölustafina i burtu. Hef lent í þessu líka og einnig ef ég hef skrifað athugasemd fyrst í word og límt athugasemdina hér þá er letrið svona. Kannski þarf að minnka letrið í word og þá kannski verður það í lagi. Hef ekki prufað en það er hægt að gera prufur og klippa út innleggin á meðan er verið að læra. Afur á móti skrifa ég allar mínar greinar í word og þar kemur þetta ekki að sök en þá þarf oft að laga línbilið sem var bara eitt á milli málsgreina en verður stundum að tveimur á blogginu.

Ég er ánægð með innleggin hans Jóns Vals og bendi á greinina hans Ólafs. Kannski var kveikjan af þessari grein eftir að þú last greinina hans Ólafs. Ég í einlægni minn trúi að Guðs útvalda þjóð búi í Ísrael.  Svo bara kemur það í ljós þegar ég fæ að fara heim til Jesú hvað er rétt og hvað er rangt í þessu. Allavega mun skoðanamunur um þetta atriði ekki aftra okkur frá himnaríki sem er aðalatriðið.

Jesús elskar okkur

Shalom/Rósa

[Birgirsm, 9.8.2008 kl. 13:49]

Sæl Rósa.

Takk fyrir að fleygja mér ekki út af sakramenntinu, fyrir þessa skoðun mína, ég bara verð að benda á þetta mjög svo viðkvæma mál.

Ég er bara hræddur um að sumt fólk sé svo blint af aðdáun á Gyðingdómnum, að aðdáunin skyggi á það eina sem á að skipta hinn Kristna einstakling máli  þ.e  Fagnaðarerindi Jesú Krists.

Fagnaðarerindi sem Gyðingar höfnuðu, og hafna enn með öllu.

Kveðja til þín Rósa og takk fyrir tölustafa ábendinguna

Guð veri með þér 

[Birgirsm, 10.8.2008 kl. 15:13]

Fyrirgefðu Rósa, ég gleymdi einu

Þú segir :  Allavega mun skoðanamunur um þetta atriði ekki aftra okkur frá himnaríki sem er aðalatriðið.

Rósa   Heldur þú að skoðanamunur um þetta atriði geti ekki aftrað  99% Gyðingaþjóðarinnar frá himnaríki.

Ég bendi aftur á Rómverjabréfið 9:27

En Jesaja hrópar yfir Ísrael: „Þótt fjöldi Ísraels barna væri sem sandur sjávar munu leifar einar frelsaðar verða.

Hvað eru leifar ? er það ekki eitthvað afskaplega lítið ? kannski bara 0,28% ? ég tek þessa prósentutölu bara sem dæmi.

Ég get ekki hætt í Jóh 5:39 er vers sem við kunnum utan af.

Þér rannsakið ritningarnar því í þeim hyggist þér eiga eilíft líf. Og það eru þær sem vitna um mig en þér viljið ekki koma til mín og öðlast lífið.

Er ekki Jesús þarna að benda sinni heitt elskuðu þjóð á að taka á móti sér ef hún vill öðlast eilíft líf.

Kæra Rósa horfðu framhjá þrjóskunni og óþekktinni í mér.

Kveðja

[Rósa Aðalsteinsdóttir, 10.8.2008 kl. 15:50]

Sæll vertu Birgir.

"Allavega mun skoðanamunur um þetta atriði ekki aftra okkur frá himnaríki sem er aðalatriðið." Þarna er ég eingöngu að tala um skoðanamun á milli mín og þín.

Shalom/Rósa

[Arafat í sparifötunum, 16.8.2008 kl. 20:24]