Sáluhjálp syndara er aðeins möguleg fyrir tilstuðlan kaþólsku kirkjunnar ?

Laugardaginn 9. september, 2000 - Erlendar fréttir

Yfirlýsing frá Páfagarði um kirkjur mótmælenda

"Eru ekki kirkjur í réttum skilningi"

Páfagarði, London. AFP.

Joseph Ratzinger kardináli (t.h.) kynnir 36 síðna yfirlýsingu sína ásamt Tarcisio Bertone erkibiskupi á blaðamannafundi í Páfagarði.

SÁLUHJÁLP syndara er aðeins möguleg fyrir tilstuðlan kaþólsku kirkjunnar samkvæmt umdeildri yfirlýsingu sem var gefin út í Páfagarði í vikunni.

SÁLUHJÁLP syndara er aðeins möguleg fyrir tilstuðlan kaþólsku kirkjunnar samkvæmt umdeildri yfirlýsingu sem var gefin út í Páfagarði í vikunni. Þar er því haldið fram að ýmsar kirkjur kristinna manna, svo sem enska biskupakirkjan og mótmælendakirkjur, séu "ekki kirkjur í réttum skilningi".

Ráð kardínála, sem fjallar um trúarkenningar, undirritaði yfirlýsinguna á þriðjudag og samkvæmt henni er kristnum mönnum "ekki heimilt að ímynda sér að kirkja Krists sé ekkert annað en samsafn - sundrað en samt á einhvern hátt eitt - kirkna og trúarsamfélaga. Til er ein kirkja Krists, sem lifir í kaþólsku kirkjunni, undir stjórn arftaka Péturs og biskupa í nánu sambandi við hann."

Yfirlýsingin þykir í mikilli andstöðu við ýmis skjöl sem komið hafa frá Páfagarði síðustu þrjá áratugina þar sem leitast er við að sætta kirkjurnar og sameina kristna menn út um allan heim.

 

Páfi staðfesti yfirlýsinguna

Joseph Ratzinger, yfirmaður ráðsins, skrifaði yfirlýsinguna og hermt er að Jóhannes Páll páfi hafi staðfest og samþykkt hana 16. júní. Tarcisio Bertone erkibiskup, ritari ráðsins, sagði á blaðamannafundi eftir birtingu yfirlýsingarinnar að páfi vildi að hún gilti "í allri kirkjunni". Hann bætti við að kennisetningin, sem yfirlýsingin byggðist á, væri "óskeikul".

Yfirlýsingin virðist einkum beinast gegn kirkjum sem voru stofnaðar í siðaskiptunum, svo sem kirkjur lúterstrúarmanna.

George Carey, erkibiskupinn af Canterbury, æðsti maður ensku biskupakirkjunnar, gagnrýndi yfirlýsinguna og sagði að hún væri ekki í samræmi við tilraunir til að sameina og sætta mótmælendur og kaþólska menn eftir aldagamlan klofning. "Sú hugmynd að biskupakirkjan og aðrar kirkjur séu ekki "sannar kirkjur" virðist draga í efa þann verulega árangur sem við höfum náð í að sameina alla kristna menn," sagði erkibiskupinn.

Einnig er litið á yfirlýsinguna sem gagnrýni á þá presta og guðfræðinga kaþólsku kirkjunnar, einkum á Indlandi og Suðaustur-Asíu, sem hafa beitt sér fyrir sameiningu kristinna manna. Er hún sögð hafa valdið miklum titringi meðal þeirra.

Í yfirlýsingunni segir að kaþólskum mönnum beri að líta svo á að það sé órofið sögulegt samhengi - byggt á órofa röð arftaka Péturs postula - milli kirkju Krists og kaþólsku kirkjunnar.

Í yfirlýsingunni er þó viðurkennt að nokkrar kirkjur, þeirra á meða grísk-kaþólska kirkjan, séu "sannar kirkjur" því þær hafi varðveitt órofa röð biskupa frá upphafi kristni.

Páfagarði, London. AFP.

Merkileg frétt og merkilegt er að lesa hver skrifaði þessa yfirlýsingu,

en það merkilegasta af öllu er að til séu  starfandi prestar innan Íslensku Þjóðkirkjunnar sem

sjá fyrir sér sameiningu við Rómversk-Kaþólsku kirkjuna,  þrátt fyrir þann mikla mun sem 

aðskilja þessar kirkjur og stefnur þeirra. 

 

 

 

 

Athugasemdir

[Linda, 12.4.2008 kl. 22:36]

Hæ Birgirsm - ég man eftir þessari frétt og ég  varð verulega hissa á þessu, og ég skil ekki svona framkomu, ef ég væri móðgunargjörn þegar að kemur að trú minni þá mundi þetta duga til En þetta er svo heimskuleg yfirlýsing að hálfu væri nóg.  Mér þótti afar vænt um þann elskulega mann sem kom á undan Benedikt og taldi hann vera afar réttlátan, þrátt fyrir afstöðu þeirra varðandi smokka og slíkt sem er bara mjög naívísk hugsun. En þessi yfirlýsing, tja hún er varla pappírsins virði.  Ein kirkja, ja hérna hér, hafa þeir aldrei lesið Rómverjabréfið 12 kafla ;)  Hafðu það sem allra best og ég bið að Guð blessi þig og varðveiti í dag sem og alla daga.

knús

[Birgirsm, 13.4.2008 kl. 22:07]

Sæl Linda

Já viðbrögðin hjá mér voru svipuð nema hvað mér hálf brá,  ég hef reyndar aldrei séð þessa yfirlýsingu,  en samkvæmt fréttinni  (og mogginn lýgur aldrei)  er eins og mestu máli skipti að kaþólska kirkjan ásamt þeirri grísk-kaþólsku séu einu  "sönnu kirkjurnar" vegna þess að þær einar hafi haft óslitna röð biskupa frá upphafi kristni.  Furðuleg forgangsröðun,  hvað með boðskapinn og boðunina.

Kannski að fréttin sé villandi, hver veit,  en allavega varð mér hugsað til 1.Tím2:5 þegar ég sá þessa miklu áherslu núverandi páfa (Ratzingers, sem skrifaði yfirlýsinguna) á forvera sína.    

[Mofi, 21.4.2008 kl. 00:23]

Fróðleg grein og núna væri gaman að vita :)   hver afstaða Kaþólsku kirkjunnar almennt er í þessu máli.  Sérstaklega ef höfuð kirkjunnar var með þessa afstöðu og þá líklegast er ennþá með þessa afstöðu.

[conwoy (IP-tala skráð) 23.4.2008 kl. 22:05]

Kaþólska er EKKI Kristnidómur .

Kristur sagði : Ef þér elskið mig, haldið þá boðorð mín . En Kaþólska kirkjan umbreytir þeim  ! Fact . 

[Rósa Aðalsteinsdóttir, 26.4.2008 kl. 00:29]

Christian Glitter by www.christianglitter.com

Sæll og blessaður Birgir.
Frábær pistill. Gott að vekja máls á svona vitleysu.
Dæmið ekki svo þér verðið ekki dæmdir.
Þetta hefur mér alltaf þótt heimskulegt þegar fólk fullyrðir að þeirra kirkja sé sú eina útvalda og allar aðrar núll og nix.
Það sem skiptir máli er að vera skráður í lífsins bók.
Gleðilegt sumar.
Ég þakka kærlega fyrir kynnin hér í bloggheimum í vetur.
Drottinn blessi þig og þína.
Kær kveðja/Rósa